Kung ako ang mamumuno sa mundo

Kung ako ang mamumuno sa mundo-

Ipagbabawal ko na ang Ampalaya

Ang nakakatamad na lunes ng umaga

Ang ineksyon at si Willie Revillame

Kung ako ang mamumuno sa mundo

mas maliwanag ang gabi

mas malaki ang pandesal,

at mas malaki ang minimum wage

Kung ako ang mamumuno sa mundo

Wala ng traffic, wala na ring sasakyan

Mas mura  ang load, gamot , tuition fee

At totoo si Santa Claus

Kung ako ang mamumuno sa mundo

Hindi ka na malulungkot,

Hindi ka na pagagalitan ng tatay

Hindi ka na sesermonan ng nanay

Hindi ka magkakaron ng magulang

Kung ako ang mamumuno sa mundo

Araw araw may bahaghari

Gabi gabi may alitaptap

Abot kamay lang ang ulap

At  madaling labhan ang maong

Kung ako ang mamumuno samundo

Ang halo- halo at hotdog ay gulay

Lahat ng artista kasing galing ni Maricel Soraiano

Ang taong minsan lang maligo, minsan lang magtoothbrush

Nangarap at sumulat na sana mamumuno sya ng  mundo ay pwede ngang

Mamuno sa mundo.

--------------------------------------

judith inspired. 2011